ފަތުރުވެރިކަމުގެ ޞިނާޢަތުގައި ވަޒީފާއަދާކުރާ ދިވެހި މުވައްޒަފުންނަށް ޚާއްޞަކޮށްގެން "ސޯޝަލް ހައުސިންގ ކެޓަގަރީ" އެއް ކަނޑައެޅުން.

މި ކެޓަގަރީގެ ދަށުން، އެފަދަ މުވައްޒަފުންނަށް ހައުސިންގ ފުރުޞަތު ހަމަޖައްސައިދިނުމުގެ ގޮތުން، ރާއްޖޭގެ އެކި ސަރަހައްދުތަކުގައި ކުރިއަށް ގެންދާ ސޯޝަލް ހައުސިންގ މަޝްރޫޢުތަކުގެ ވަކި އިންސައްތައެއް ފަތުރުވެރިކަމުގެ ޞިނާޢަތުގައި ވަޒީފާއަދާކުރާ ދިވެހި މުވައްޒަފުންނަށް ޚާއްޞަކޮށްގެން، އެ ސަރަހައްދެއްގައި ފަތުރުވެރިކަމުގެ ޞިނާޢަތުގައި ވަޒީފާއަދާކުރާ ދިވެހި މުވައްޒަފުންނަށް ހައުސިންގގެ ފުރުޞަތު ލިބޭނެގޮތް ހަމަޖެއްސެވުން. އަދި މިގޮތަށް އެފަރާތްތަކަށް ހައުސިންގ ދެއްވާނީ އެފަރާތްތަކަށް އެތަން މިލްކުވާގޮތަށްކަމަށް ހަމަޖެއްސެވުން.

މީގެ އިތުރުން އެކި ސަރަހައްދުތަކުގައި ކައުންސިލް ހައުސިންގ މަޝްރޫޢުތައް ކުރިއަށް ގެންދާނަމަ، 
އެ މަޝްރޫޢުތަކުގެ ވަކި އިންސައްތައެއް ފަތުރުވެރިކަމުގެ ޞިނާޢަތުގައި ވަޒީފާއަދާކުރާ ދިވެހި މުވައްޒަފުންނަށް ޚާއްޞަކޮށްގެން، އެ ސަރަހައްދެއްގައި ފަތުރުވެރިކަމުގެ ޞިނާޢަތުގައި ވަޒީފާއަދާކުރާ ދިވެހި މުވައްޒަފުންނަށް ހައުސިންގ ފުރުޞަތު ލިބޭނެގޮތް ހަމަޖެއްސެވުން.

ހަފްތާ 14 ގެ މަގުޗާޓުގައި ހިމެނިފައިވާ، ބޯހިޔާވަހިކަމުގެ މަޝްރޫޢުތައް ރެގިއުލޭޓްކުރުމަށް، ގެދޮރުވެރިކަމުގެ މިންގަނޑުތައް އެކުލެވޭ ބިލެއް ޑްރާފްޓްކޮށް ރައްޔިތުންގެ މަޖިލީހަށް ފޮނުވުމަށް ހިމެނިފައިވާއިރު، މިކަމަކީ އެ ބިލުގެ ތެރޭގައި ހިމެނޭނެކަމަކަށްވާތީ، މި ބިލަށް ބޭނުންވާނެ މަޢުލޫމާތު ހޯދުމަށާއި، "ސޯޝަލް ހައުސިންގ ކެޓަގަރީ" އެއް ކަނޑައެޅުމަށް އެކުލަވައިލައްވަންޖެހޭ އުސޫލުތައް އެކުލަވައިލެއްވުމުގެ ކަންކަން މިނިސްޓްރީ އޮފް ޓޫރިޒަމާއި، ކަމާގުޅޭ ހުރިހާ ފަރާތްތަކާ މަޝްވަރާކުރައްވައިގެން ކުރިއަށް ގެންދިއުން.